SASSUOLO-NAPOLI 0-2
16-02-14 - categoria Poesie in napoletano 2013-2014Ce dispiace, Cannavaro:
te tenimmo
sempe caro.
Rivederti
è tropp’amaro,
a stu sidece
‘e febbraro.
Foste miso
fore ruolo,
e ferniste
ccà a Sassuolo…
Mò pe te
tutt’è diverso:
c’o spiegammo,
st’uocchio perzo.
Giallo, fore:
‘o core, azzurro,
simme entrate
comm’o burro
dint’a nova
toja difesa,
ca s’è sciolta,
ca s’è arresa.
Cannavà,
nu stà depresso:
t’augurammo
ogne successo!