Milan, so’ nu ricordo ‘e tiempe belle.
In classifica è brutta, ‘a posizione:
centrale, comme fosse na stazione.
Tiene a nu sballottato Balotelli:

dicette ‘ o DNA, è ‘a toja, ‘a figlia,
ma invece ‘e fa coccosa pe’ signà
t’annascunne in panchina a singhiozzà:
forse nunn’a vulive, na famiglia…

A nuje va tutto buono. Ncopp’o campo
canta e balla: è felice, ‘a nosta gente.
Hamsik sta nu poco chiù presente,
e Mertens par ‘o Pocho: ogge è nu lampo.

Applause sulamente, niente sische
per Insigne, ca sfiora ‘o gol: e ‘o palo
‘e Maggio…..Pe’ furtuna c’è Gonzalo,
e ‘a partita se chiure senza rischie.

‘A vedè chesta squadra è nu piacere.
Bravo Ghoulam, francese ed algerino:
Reina,  ca certi vote fa casino,
ma si se vence, stamme tutte allere.

Sempe vincente contr’ e milanese,
chest’anno. Giallorosse e bianconere:
site vuje sule, l’avversarie vere.
Nun ve frusciate: nun ce simme arrese!