Rafè: pure si ‘a cosa nun te piace,
si’ o tenente Garcia, eh, chillu chiatto:
nun si’ Zorro. Ce spieghe c’anno fatto
ncopp’o campo, chell’unnece incapace?

Bergamasche, currite: è qui la festa.
‘O destino carogna tira ‘e fili:
arravoglia a Dzemàili (o Dzemaìli,
tanto è ‘o stesso: ca sempe pippa resta),

e po’  a Reina, portiere della Mancha.
Mò sì turnato, e già te siente stanche:
te vuò  stennere? Sì, ce pensa ‘o Tanque,
ca  te massaggia pur’o sottopancia.

Po’ ven’o turno d’Inler: ‘a Sciagura.
V’o chiero a tutt’e doje, Blerim, Gokhan:
ma che canchero state cumbinann?
Oramai la sconfitta è già sicura…..
A chiurere in bellezza sta partita
ce penzarrà Fernandez (Federico):
Moralez ‘o ringrazia “Si’ n’amico…”
Vabbuò. Simme venute a fà na gita.

Nnanz’a na squadra molla comm’a chesta,
ca s’è squagliata comm’a  neve ‘o sole,
so’ rimast’accussì: senza parole.
Ma forse no: quaccuna me ne resta…..