Chella ca v’a futtuto è ‘a Presunzione,
ma a raggiunà nun site proprio buoni.
Site partute a palla de cannone,
a cient’all’ora: avite aizato ‘e Toni.

All’inizio ‘e partita, tutti  annanzi,
ma però è tutto fummo, e nient’arrosto:
quanno faje na str…ata, nun te scanzi,
ca p’ogne sbaglio l’ea pavà, nu costo.

Po’ ve futtette ‘a Perseverazzione,
ca significa: semp’o stesso errore.
(A nuje ce piace assaje ve fa ‘a lezzione,
pecchè site antipatiche c’o core!)
‘A rete ‘e Mertens mica v’è abbastata….
Ve site lusingate ‘e stà all’altezza,
e al finale pigliaste na paliata.
Nuje, ‘nparaviso: vuje, dint’a munnezza.

E chest’è stato, caro il mio Verona.
Né, Mandorlini, stai chiagnenno ancora?
L’anno è iniziato, e l’occasione è bona
pe v’alluccà: “Scaligeri, ad minora!”