NAPOLI-INTER 4-2
16-12-13 - categoria Poesie in napoletano 2012-2013So’ sulo tre, ‘e nanette: nun so’ sette,
ma s’a sanno cavà comme se deve:
s’è fatta rossa rossa, Biancaneve,
e ‘o Napule (a chest’Inter…) s’a facette.
Na vera fiabba fuje chesta partita,
addò avimmo pigliato applause e sischi.
Ma ‘a favola è ‘a metafora d’a vita:
nun crisce maje, si nun ce pruove, e rischi…
Certo suffrette troppo la difesa:
ma cu Mertens, Insigne e Callejon
Mazzarri, t’o dicimmo senza offesa,
‘e fatto la figura d’o co…n!