Primm’e partì, na chicca a volo a volo:
‘e cose certi vote sono strane.
Ogge c’o Parma, ajere c‘o Sassuolo:
ccà fanno punte sulo ll’emiliane…

‘A benzina d’o Napule è fernuta?
Chi ‘o sape. Ma fuje grossa, ‘a delusione.
L’azzurre so’ na squadra ca se stuta
nu poc’a vota, areto a nu pallone.

Sta palla gira troppo lentamente:
(a nuje, ca nun putimmo che guardà,
vanno – o mi sbaglio? – chiù velocemente…)
Stu Napule nun sape c’adda fà:

int’a primma mezora, tanto quanto,
ma doppo (o tengo la memoria corta?)
chiù ca nu cedimento, fuje nu schianto:
su azione, nun s’è chiù tirato in porta…

E propio tanno, Antonio da Cassano
scennette ‘a copp’o viale del tramonto
e ‘a squadra soja, pigliannola pe’mano
l’ha accumpagnata a presentarci il conto.

Chest è. Nello stupore generale
Dona/doni, l’Amleto di Elsinore
ce l’ha fatto, ‘o rialo di Natale.
Roberto, grazie assaje. Tu tiene core!

Valid XHTML 1.0 Transitional Valid CSS!