Nel calcio, oltre ch’e piere, ce vò ‘a testa:
sarrà na frase fatta, però è vera.
‘A distrazzione ‘a minacciat’a festa
d’o Napule, in programma pe stasera.

Se parte, e Mertens sbaglia un gol già fatto.
Po’ zumpanno su Maggio, segna Ayew
(Ajù-ventus? Ma ‘o juorno nunn’è esatto…),
e ‘o Napule fernesce a testa in giù.

E mò? Mò tutte quante all’arrembaggio,
ca chesta squadra nun s’arrenne mai.
Inler azzecc’ o tiro ‘o primmo assaggio,
po’ Gonzalo ce leva ‘a miez’ (H)i guai(n).

Ce leva ‘a dint’e guai: manòppemmolto.
A cumbinà ‘o casino è Pablo Armero,
ca se fa anticipà. Po’ vene tolto,
ma intanto già l’ha fatto, ‘o guaio nero.

Napule, bellu mio: mò t’ea scetà!
Hamsik e Insigne vanno richiamati.
Steveno ncopp’a panca a rifiatà,
ma se l’anna scurdà: se so’ spogliati.

Cu loro in campo, cagna sta partita:
‘a squadra se ripiglia assieme a loro,
e p’a mettere in porta c’è Pepita
(nunn’è nu sbaglio: è na pepita d’oro!)

‘E doje tifoserie so gemellate:
dopp’e sassate loro dell’andata
anno fatto a chi chiava chiù mazzate:
in questo, la partita è pariggiata.

Sti tifose accussì so belli e cari:
‘a passione fa male, quann’è troppa.
C’o Borussia, in Germania, serve ‘o pari,
oppure ‘a salutammo, chesta Coppa!

SPECIALE CHAMPIONS LEAGUE

NAPOLI-MARSIGLIA 3-2 (nap)

 

Nel calcio, oltre ch’e piere, ce vò ‘a testa:

sarrà na frase fatta, però è vera.

‘A distrazzione ‘a minacciat’a festa

d’o Napule, in programma pe stasera.

 

Se parte, e Mertens sbaglia un gol già fatto.

Po’ zumpanno su Maggio, segna Ayew

(Ajù-ventus? Ma ‘o juorno nunn’è esatto…),

e ‘o Napule fernesce a testa in giù.

 

E mò? Mò tutte quante all’arrembaggio,

ca chesta squadra nun s’arrenne mai.

Inler azzecc’ o tiro ‘o primmo assaggio,

po’ Gonzalo ce leva ‘a miez’ (H)i guai(n).

 

Ce leva ‘a dint’e guai: manòppemmolto.

A cumbinà ‘o casino è Pablo Armero,

ca se fa anticipà. Po’ vene tolto,

ma intanto già l’ha fatto, ‘o guaio nero.

 

Napule, bellu mio: mò t’ea scetà!

Hamsik e Insigne vanno richiamati.

Steveno ncopp’a panca a rifiatà,

ma se l’anna scurdà: se so’ spogliati.

 

Cu loro in campo, cagna sta partita:

‘a squadra se ripiglia assieme a loro,

e p’a mettere in porta c’è Pepita

(nunn’è nu sbaglio: è na pepita d’oro!)

 

‘E doje tifoserie so gemellate:

dopp’e sassate loro dell’andata

anno fatto a chi chiava chiù mazzate:

in questo, la partita è pariggiata.

 

Sti tifose accussì so belli e cari:

‘a passione fa male, quann’è troppa.

C’o Borussia, in Germania, serve ‘o pari,

oppure ‘a salutammo, chesta Coppa!