‘A Juve corre, è solida e sicura;
‘o Napule ‘a sta recchia nun ce sente.
Simme musce, pauruse e inconcludente,
e facimmo na pessima figura.

V’allicurdate ‘o fatto d’o duttore?
“Guagliò, mò l’ea fernì e t’allamentà!
Ma qua complesso d’inferiorità:
overo tu sì n’essere inferiore!”.

E’ cattiveria? No: sincerità,
pecchè chillo puntava troppo in alto.
Penzava: so’ capace ‘e fa stu salto,
però me dico: nun c’a pozzo fà…”

Nun s’addà truvà ‘a scusa d’a paura,
d’o fuorigioco: l’alibi fa rabbia.
Nu nascundimm’a capa sott’a sabbia:
nunn’a tenimmo ancora, ‘a caratura

pe’ battere ‘a Juventus a Torino.
E’ triste: però chest’ è ‘a verità.
Si facimmo nu bagno d’umiltà
avimmo miso ‘o primmo mattoncino…