Già pe doje vote ‘o detteno pe muorto,
e pe doje vote ‘o Napule è risorto.
Cinche minute scarse c’o Livorno,
e chesta squadra s’a levato ‘o scuorno
d’a faccia, p’a nuttata londinese.
Troppa pressione, tanno: tropp’attese…
Stavota no, nisciuna presunzione.
Pressing a centrocampo, ed attenzione
pure in difesa, ch’è nu fatto raro
(forse pecchè mancava Cannavaro?)
E’ bello ‘o scontro fra Emeghara e Armero;
fanno a (eme)gara pure a chi è chiù nero.
Mertens pareva Maertens, ‘o ciclista:
c’a discesa facette d’apripista
pe’ Goran, ca signaje, sapimmo comme.
“Pandev”, metà di “Napoli” int’o nomme…
A Roma na partita cumplicata,
cu na squadra ca l’Inter l’ha sbranata.
Benitez dice “…ol”, Mazzarri “go…”:
chiù luntane tra loro, nun se po’!