ARSENAL-NAPOLI 2-0
3-10-13 - categoria Speciale Champions League 2013-2014E’ fernuta: mò l’arbitro ha siscato.
E’ nu brutto mumento: stammo triste
pe tutt’e cose ca (nun) se so’ viste.
Nunn’è ca c’impressiona ‘o risultato:
a perdere, sul campo dell’emire
è na cosa normale, ce po’ stà.
Però senza suffrì: senza tremmà,
facenno perlomeno doje tre tiri.
So’ bravissime, ‘e gunners, nel palleggio,
meglio d’o tiki-taka: è Barsenal.
Loro alle stelle, nuje pe dint’e stall:
nu quarto d’ora, e già s’è visto ‘o peggio.
Britos pare nu ciuccio miez’e suone:
sbaglia e risbaglia, e avimmo visto comme.
Sai che te dico? Càgnate ‘o cugnomme
in Brutos: t’anna regnere ‘e schiaffone!
Ed Hamsik addò sta? Se n’è fujuto?
E’ nu fantasma, na controfigura.
Chillu vero è na forza d’a natura,
chist’è o cuntrario: triste ed abbeluto.
Certi vote fa male, ‘a verità:
a Londra s’aizaje bannera janca.
Speramm’e no, ma chella ca ce manca
fosse propi’essa: ‘a persunalità?