“Sarrà primmo in classifica: da solo”,
diceva ajere tutta la città.
E ce faceva pena, stu Sassuolo:
ma dint’o sport nun ce sta pietà.

“‘ ‘E buttammo pe’ terra al primo assalto…”
Ma quanno maje! Restammo scuncertate:
invece e suffucà sott’all’asfalto
songo lloro, ca c’hanno piastrellate…

Fernandez (e ch’erè, na nuvità?)
è muscio. E’ overo can nun gioca maje:
ma chest’è o punto. Quanno giucarrà,
si po’ in campo cumbina tanta guaje?

Pe’ Cannavaro, ch’è napulitano
‘o stadio tutt’assieme adda cantà
‘o mutivo e nu tiempo assaje luntano:
“Maronna mia, né  ma addò stà Zazà?”

Sta squadra nunn’e supera, gli esami.
Là miezo po’, che ne parlammo a fa?
Si ‘o centrocampo nun ce sta Behrami
l’ate so’ cundannate: anna ballà….

Callejon – ‘o spagnuolo  – avrà penzato
“Jo non creo ai miei ojos: è normal
ch’el Sassuolo, peon del campeonato
esta noche me siembra el mio Real?”