Cu sta divisa pareno suldate:
e chill’ate, cu certi mmaglie gialle…
Ma l’amma cammenà pe’copp’e calle,
anna piglià nu cuofeno ‘e mazzate!

Mertens sta a sinistra: un peperino.
Insigne a destra, ma ha sbagliato fascia:
‘a squadra ‘e Colantuono nun ce lascia,
e ‘o Napule all’inizio fa casino.

Stasera ‘o post’e Maggio joca Mesto:
Britos facette spazio a Cannavaro.
Si sbagliano, ‘o pavammo caro e amaro:
(chisà: Benitez l’ha capito, chesto?)

Va buono, cà so tutti titolari,
ma nun se segna: e intanto ‘o tiempo passa.
S’adda truvà chi ‘a sbroglia, sta matassa:
primm’e mò, s’adda correre ‘e ripari.

Se riparte, ma in campo song’e stessi:
ce pesa chiù d’o chiummo, chest’attesa.
Mò ca stammo a mità della ripresa,
ce sentimmo abbelute: assaje depressi.

Muovete, Rafilù, datte na mossa,
ncopp’all’anema e chi chiù tiene care!
Napule, ‘o saje, tene ‘o chiù bellu Mare(k):
sul’isso ce putesse dà na scossa!

Ditto ‘nfatto: cu classe e co’ curaggio,
e primma ca fernesce sta partita
a comme vene, Hamsik dà al Pipita
ca tira ‘e destro: ‘o Napule è in vantaggio!

Nuje, can nun simme ciechi: “Né, slovacco,
‘o vire?, senz’e te venimmo meno”.
Po’ segna Callejon, ‘o Madrileno:
Dzemaili ‘o mann’in porta cu nu tacco.

Miercurì, jamme belle: anema e core.
‘E tedesche so’ forte, nun so’ fessi,
ma nuje stammo assetate di successi:
doje pallune al Borussia, con amore!

Valid XHTML 1.0 Transitional Valid CSS!