“Sassuolo”  tene dinto “sasso” e suolo”:
‘o sasso è chillo ca c’è ghiuto ‘nfronte.
Pigliajmo ‘o c…. p’a lanterna ‘o muolo,
e chest’errore ce custaje doje ponte.

Giravano, in città, tanta domande…
“Genio” in “Genoa” non c’è. Ma nun fa niente,
pecch’o genio sta in campo: Goran Pandev,
l’ommo c’ha fatto ‘o Napule vincente.

Ch’e grifone tenimm’o gemellaggio,
mò so’ tant’anne, e s’adda cunservà.
Accussì, pe le dà tant’e curaggio
dice Benitez: “Trase, Cannavà!”

V’o vulevemo fa  chestu favore,
amice belle, e c’è mancato poco:
iss’o facette, ‘o fallo da rigore,
ma Gilardino steva in fuorigioco…

Martedì nunn’è cosa ‘e fà riale.
C’aspettano l’ingrese,  in Inghilterra.
Uocchie apierte, sinò fernesce male:
cà fuje na passiata. Là è na guerra!