Nella maggica Verona
addò spisso fuje na pena,
chesta vota è ghiuta bona:
oggi è ‘o Chievo ca s’Arena.

Sott’all’uocchie de Giulietta
chiù e mezora de cuntrollo:
po’ (nisciuno se l’aspetta)
patatracchete, ‘o tracollo.

E va buò…Nuovo vantaggio,
e di nuovo istanti amari;
fa n’errore pure Maggio,
e Paloschi acchiapp’o pari.

Grida ‘o pubblico, s’infiamma,
e stu fatto nun ce sona.
Rivivremo n’atu dramma
a sta cancher’e Verona??

Si ‘o credite, state fore.
‘A paura nun ce piglia:
mò tenimmo ‘o prufessore,
don Rafele de Castiglia!

Senza allucche né isterie
se ripiglia a dominà,
e se vedono maggie
ca stu Chievo nun po’ fà.

Se fernesce in passeggiata.
Quanno segnarrà ‘o Pipita
è fernuta, sta jurnata:
‘a vittoria è garantita!