Rafe’, cu stu faccione tutt’acceso
russo russo, ca pare nu lampione:
forse nun si’ nemmeno n’iperteso,
pero’ a nuje c’ha faje sagliere, ‘a pressione.

E pure ‘a squadra tene ‘o pressing alto:
‘o Bologna subisce, s’adda sta’.
Rispetto a prima, questo e’ un grande salto:
Rafa Benitez, tiene ‘e qualità’!

Loro teneno a Cech: nuje, ‘o slovacco,
Hamsik, ca c’accumpagna da sett’anne.
Quanno gli pare, se ne va in attacco
e ‘e manna a Marek: ma cu tutt’e panne.

Ammo jucato buono, senza affanno:
loro hanno fatto solamente un tiro.
Va buono, e’ appena accummenciato, l’anno:
ma avite visto chello ca sta in giro?

‘O Milan perde, l’Inter che cacaglia
(vince a stiento, e sultanto int’o finale):
e p’a Juve a Marassi fu battaglia.
Nuje no: na passeggiata trionfale.

Giovedì l’emozzione d’o sorteggio:
sabato l’ata bestia, ‘e gialloblù.
Primma, tremmanno, aspettavamo ‘o peggio.
Mo’ no. Mo’ finalmente ce stai tu!

Tags: Napoli-Bologna 3-0