‘A Juve s’a magnato ‘o tricolore,
ma nuje tenimmo sempe tanta fame.
Mettendo in campo classe, gambe e core
‘e Stramaccioni avimmo fatto strame.

L’Inter, povara bestia, nunn’è inter/a:
chiù ca na squadra, sembra nu spitale.
‘A cosa fa ncuietà: nun pare vera,
ma vint’e loro se so’ fatte male.

Se parte, e già ‘o tifoso intona ‘o coro!
Cavani e Pandev, doje capolavore:
‘o macedone lancia ‘o matad’oro
ca s’infila pe’ miezo ‘e difensore.

Doppo l’Inter pareggia, ma nun dura.
Quanno Cavani va ncopp’o dischetto
se taglia c’o curtiello, la paura
(‘a nosta): ‘o tiro è maggico, perfetto.

Dint’a ripresa, l’Inter se fa avanti
e ‘o Napule va areto, diligente.
Simme chiù forte, nun ce stanno sante:
però De Sanctis sì. Ve pare niente?

Edinson nel finale se fa sotto,
e segna ancora: mò so’ vintisei.
Tre anni di triplette (e stamm’a otto…):
i’ m’o tenesse…*
(* io me lo terrei….)