Bucchi: quanno facive l’attaccante
ce diste chiù de na jurnata amara:
ma mò c’allene, ne staje danno tante
a ‘e povere tifose d’o Pescara.

E tu, Mazzarri: stai troppo agitato,
avisse sta’  tranquillo, e invece no.
Quanno, alla fine, vieni intervistato,
dici: “C’avemmo tante palle-go…”

‘O Pescara ce sta, ma nun se trova:
o nun se trova, pecchè nun ce sta?
Nuje camminammo chiano, ncopp’all’ova,
liggiere: tanto ‘o gol add’arrivà…

E come infatti, arriva: alla ripresa,
primma ca l’ansia vene a ce fa male.
Crolla ‘o Pescara, ma nun c’è  surpresa:
già primma era nu chianto generale.

Dummeneca al San Paolo, Stramaccioni,
ca l’a pigliate pure d’o Palermo:
ma nun c’avimma fa troppe illusioni.
Pareno muorte, c’è Zanetti in/fermo,

ma è pe’ chesto ca fanno chiù paura:
nun more n’ata vota, chi è già muorto…
Mazzarri ‘o dice già: “Sarà assai dura”.
Inter, facc’o piacere: dalle tuorto!