Trasimmo in campo un poco timorosi,
e se capisce: altissima è la posta.
C’appaurano ‘e giochi di Preziosi
(napulitano, granda faccia tosta).

E invece, pe’ furtuna, ce vo’ poco
pe ce mettere in tasca sta partita:
doje gol, parecchie tire, gran bel gioco,
spaviente quase zero: ‘a meglia vita!

Cavani stecca ancora d’o dischetto,
e chesto, amice belle, è di rigore:
ma ‘o distacco cu’ loro è troppo netto,
pirciò nunn’o pavammo, st’ato errore.

Dummeneca sarrà tutto diverso
(basta ca resta ‘o stesso ‘o risultato…)
Là ncoppa troppi ‘vote avimmo perso,
o – quanno è ghiuta bona! – pariggiato.

Tenimmo quatto punte de vantaggio,
però sette sarriano meglio ancora…
‘E cunte le facimmo a fine maggio:
po’ ce mettite ‘o sale ncopp’a cora!