NAPOLI-JUVENTUS 1-1

1-03-13 - categoria Senza categoria

Chiagne Mazzarri, e dunque rire Conte.
Forse ce jammo, in Coppa dei Campioni,
ma s’è capito già: certi rimonte
in Italia ‘e fa sulo  Berlusconi.

O forse no, ca nunn’e fa sul’isso:
‘o Milàn, ca primma andava male,
mo vence sempe ‘e chiù: sempe chiù spisso,
e stu fatto nun va: nunn’è normale.

Cavani pare l’urdemo d’e brocche,
ed Hamsik, puveriello, se n’è sciso.
Pandev, ca se levasse ananz’all’uocchie:
ma in campo, a chistu ccà, che ce l’ha miso?

Se sbatte Insigne, e fa chello ca po’,
ma purtroppo al momento nunn’è molto.
Chi l’ha visto a chell’ato, a Calaiò?
‘O problema d’o gol nunn’è risolto.

Co’ sta Juve, al finale, è giusto ‘o pari.
Mancano, a mò, sulo tre mise a maggio.
Si continua accussì, so’ c….  amari:
azzurri, avanti, un’anema e curaggio!

Valid XHTML 1.0 Transitional Valid CSS!