Tifose chiù leghiste e chiù razziste
d’e veronese, maje se ne so’ viste:
e proprio contr’a loro, a sti fetiente
avimma sempe fà figure ‘e niente?

Mazzà, stamm’a sentì, bellerofrate:
parecchie giucature so’ scuppiate.
Si ‘ncuorpo nun tenimme chiù benzina
putimmo sulo fa na brutta fina…

A vuje nun v’è venuto mal’e core
quanno Cavani va a tirà ‘o rigore?
Ca nunn’e tira buono, è cosa nota:
ma mò sbagliasse pure a porta vuota…

De Sanctis, pure tu, mannaggia ‘a morta:
avissa fà ‘o purtiere: ‘o guardaporta,
ma che v’o dic’a fà: me faccio pazzo,
chillo oramaje nun guarda manc’o …..
Si piense ‘o primmo gol, miettete scuorno:
vulive ’a ricevuta di ritorno??