Scusatelo, ‘a stu viecchio scribbacchino:
ormai sta troppo stanco, nun c’a fà.
Pe’ mezza d’o tsunami d’o grillino
‘a politica vecchia se ne va:

e nsiem’a essa, comme fosse niente
tra nu mumento
ce lassa ‘o Papa, e appriesso, ‘o Presidente.
Overamente un grande cambiamento,

ca ce dà pure un poco d’allerezza.
Tra chello ca sparisce, e che tramonta
ce stanno pure ‘e sogne di grandezza
d’o Napule. Sta squadra nunn’è pronta

p’arrivà ncopp’a tutto: loco in cima.
S’è visto aierassera: c’ha pruvato,
e pe chesto s’ammereta assje stima.
Ciuccio, nun vole chiù: te sì sfiancato….

Cinche so’ e stelle dell’Italia nova:
chella d’o calcio resta una soltanto.
Nun c’è che fa: chiunque ca ci prova,
alla fine fallisce, e scoppia in pianto….