Si so brutte ‘e romaniste,
peggio ancora so’ e laziale.
Né, ma nun l’avite viste?
cu chell’aquila reale

(mamma bella, e che piatà!
Sta legata tutt’a vita,
e pecchè? Pe svolazzà
all’inizio d’a partita…)

Ce vulesse nu ribotto:
no pi essa, pe’ Lotito.
S’accummencia, e andiamo sotto:
è nu Napule smarrito,

ca nun sape c’adda fa.
Giuvinò, nunn’è serata!
Ma po’ ven’a nuvità:
chesta Lazio s’è sfiatata,

e nun corre: è troppo stanca.
Se ripigliano gli azzurri,
vanno annanze all’arma bianca,
inzorfati da Mazzarri.

Trase Insigne, e dopo un po’
-quatto punte, e Marekiaro! –
trase pure Calaiò.
Ma po’ segna Campagnaro…

Uno a uno: meno male,
si perdevemo era peggio.
Ma facimmola, ‘a morale:
a che serve stu pareggio?

Valid XHTML 1.0 Transitional Valid CSS!