Pe rimanè attaccate ‘a squadra ‘e Conte
a Firenze servevano ‘e tre ponte:
ma l’azzurre so’ troppo inconcludente.
‘A Fiorentina è assaje poco fiorente,
ma ‘o Napule però nunn’apprufitta,
anzi: ha rischiato pure la sconfitta.
De Sanctis, addò vaje? Piglie ’e farfalle?
Volano tante cartelline gialle:
tutt’e doje squadre jocano pesante,
cavece, spinte e compagnia cantante.
Alla fine Mazzarri c’ha pruvato:
tre punte, ma nun cagna ‘o risultato.
Cavani, sulo  tu può sta cuntento:
‘e rete toje song’arrivate a ciento!