Perdettemo, e che fà? Ce basta ‘a gloria:
‘a partita l’avimmo dominata.
Pe’ loro, niente; sulo sta vittoria.
E chi s’a scorda chiù, chesta nuttata!

‘O primmo gol continue a t’o guardà,
ma alli dimanne tuoje nun c’è risposta:
ma cumm’è ca na squadra ‘e serie A
fa nu sbaglio: n’errore ‘e chesta posta?

E mò? Mò tutt’annanze, all’arma bianca.
Napule, dalle ncuollo, falle male!
L’Inter arretra, se sturzella, arranca,
e pare na qualunqua provinciale:

tutti indietro e, si vene, ‘o contropiede.
Stramacciò, proprio tutto t’è riuscito:
pecchè ‘a difesa nosta ancora cede
facennose stronzeare da Milito.

‘A ripresa se joca a una porta:
l’Inter remmane là, senza vergogna.
‘A rimonta ce sta, ma è troppo corta.
S’adda vencere a forza, c’o Bologna!