Guagliò, nun me facite penzà a Maggio:
si ‘o penzo, so’ sicuro ca m’arraggio.
Nun ne ‘ngarra nisciuna: manco mezza.
E chell’ato, Dossena: i che munnezza….

Steva ‘nguaiato pure Campagnaro:
nu tuffo (pe rinvio…) ce costa caro,
e Immobile (sveltissimo) fa ‘o botto.
Nun par overo: e invece stammo sotto.

Po’ segna Mesto (cà nisciuno è fesso):
ma – ce crire? – stu Genoa fa ampresso
a signà n’ata vota: e ce fa male.
‘A difesa: nu suonno generale.

Pe’ pariggià, mò so’ dulur’e panza.
Ma quanno è quase persa la speranza,
tutt’assieme, stu Napule se sceta:
Cavani, ca galoppa annanze e areta,

segna, scansanno a tiempo ‘o fuorigioco.
Pure st’atu pareggio dura poco:
ciuccio, ‘ e capito? Mò nun t’aea fermà,
‘o grifone è ferito: cià può fà!

‘O fatto è più che chiaro: è Marekiaro.
‘O colp’è testa è un tiro? No: nu sparo,
ca fulmina i ragazzi di Delneri.
Po’ segna Insigne (e nuje ne simme fieri).

Sabato, in casa, tonici e decisi:
‘o Milan fa paura (ma qua crisi!)