A Is Arenas isso nun ce steva:
Cavani, c’a mugliera, è ghiuto a Roma.
Ma a Cagliari, e nisciuno s’o crereva,
Vargas s’è scetato ‘a dint’o coma,

alluccanno “So’ vivo, nun so’ muorto!”
E nun fuje chesta ‘a sola nuvità:
in aggiunta al cileno ch’è risorto,
Mazzarri ce mostraje na qualità

ca nun ce canuscevemo: ‘o curaggio.
Na punta al posto e nu centrocampista,
a destra Mesto (molto meglio ‘e Maggio);
e a Sardegna fu terra de conquista.

Dopp’a siconna botta bianconera
(se sape, ‘a Champions tene un alto costo),
stu Napule se trova, assera assera
doje punticielle sott’o primmo posto…

L’Inter cadette a Parma: e allora jamme!
‘E superammo, a Conte e a Stramaccioni?
Chi ‘o sape: ma si manco ce pruvamme,
cà facimmo ‘a figura d’e c…….i!