Marassi: no l’Olimpico o San Siro,
però pure pe cà ce passa ‘a storia:
ce serveva – e ‘a pigliajemo – ‘a vittoria.
Vuje dicite ce fuje na presa in Ciro?

Ferrara s’allamenta (ma ‘e che cosa)?
Chesta scunfitta nun l’ha diggerita:
“Sapite: aggio sfugliato ‘a margherita,
ma tengo a poca gente, dint’a rosa”.

Comm’a vencere, a perdere s’impara:
e tu alla Juve, poco tiempo fa,
cumm’era, te l’avissa allicurdà…
Na vota te chiammavamo “fè rara”,

ma comme so’ luntane ‘e tiempe belli!
‘A quanno diventaste bianconero,
si’ superchiuso e  indisponente overo:
auguri e complimenti, sì n’Agnelli!

Valid XHTML 1.0 Transitional Valid CSS!