Nunn’è na squadra: è un rullo compressore.
‘O prato (‘a spiaggia…) è stato rizollato,
ma al Parma è andata peggio: fu asfaltato.
‘A primma rete è stata su rigore,

granne comm’a na casa, sacrosanto.
Annanz’a nuje s’arape n’autostrada:
nell’aria ce sta uosemo ‘ e goleada,
però sprecammo overamente tanto.

E’ ca vicino ‘a n’Hamsik portentoso
ce sta nu matador poco brillante.
Sta ruvinato, nun ce stanno sante:
è o mumento d’o mettere a riposo.

Isso s’impegna: sì, c’a mette tutta,
ma all’estate nun s’è fermato mai.
E’ ghiuto a Londra assieme all’Uruguay:
stammo ancora a settembre, e già sta ‘a frutta!

Mazzarri nun se tene: “Siente tu,
ea ascì: si’ nu campione, e pari un brocco”.
Insigne trase, e segna al primo tocco.
Se puteva sperà coccosa ‘e chiù?

Valid XHTML 1.0 Transitional Valid CSS!