Ultimamente, p’a televisione
se parla assaje d’o Lazio. D’a Regione,
addò se steva a vevere e a sciacquà,
e tutto a spese d’a comunità.

So’ comme ‘e cunsigliere, ‘e giucatore
d’a Lazio: quanno vann’ a giucà fore
teneno ‘e mane longhe. Scusa, Klose:
ma tu nun ne sai niente, ‘e chesti cose?

Dice: ma è stato onesto, ha confessato…
Se se: ca già l’avevamo sgamato
guardannoce ‘e replay dint’a tivvù…
Ma quale onesto: sì nu furbo, tu!

Dopp’o (tentato) furto, ‘a punizione:
Cavani ne fa tre. Stateve buone!
Site precipitate, poverini,
no int’a polvere: dint’a Polverini…