E’ venuto settembre, e ormai le ferie
so’ fernute: chi è andato, mò è venuto.
Chist’è o’ mumento delle cose serie:
pirciò ‘o Napule in spiaggia nun c’è ghiuto.

Ncopp’a sabbia c’è andata ‘a squadra viola,
ch’e furmelle e ‘ o secchiello, e c’a paletta,
e s’è misa a giucà. Però essa sola:
na cosa ca nisciuno se l’aspetta.

Scambie stritte, fraseggio delicato,
Jovetic, cu Cuadrado, detta ‘o gioco,
ma nun cunclude: ‘o gol nun l’ha signato,
e ‘o fatto ‘a penalizza mica poco.

Mazzarri, all’intervallo, se fa brutto.
L’hanno ‘ntiso e se mettere a alluccà:
“Centrocampo: Bei Rami, e niente frutto.
Gokhan, tu che fai ccà? Vatt’a cagnà!”

Con Inler tutto cagna, è naturale,
e pe  sta Fiorentina se fa seria:
su Marek nu rimpallo le fa male.
Borja Valero? No: porca miseria…

Chesta rete ce leva ‘a copp’e spalle
na sporta ca pesava troppi chili,
e passammo a li stelle (da li stalle).
A ne fa n’ato, penza Dzemaili.

Grazi’o cielo, dummeneca sta ‘a sosta.
Né giardiniè, mannaggia chi v’è morto,
vuje ce l’avita dà, chesta risposta:
vulite fa nu campo, oppure un orto?