Poche minute; cartellino russo.
“Alvà, vattenne!”, l’arbitro dicette.
“E stu Catania n’amma fa purpette:
in diece, mo’ le dammo ‘nfacci’o musso…”

Ma quanno maje? Sapimm’a verità:
stu Napule ha accucchiato poc’e niente.
Svogliato, arravugliato e inconcludente,
‘e tifose l’a fatte ‘ntussecà.

Cavani ‘ngarra sulo quacche tiro,
e ll’ate manco chesto, peggio ancora.
Maggio, ca se ne jesse alla malora:
pure pe’ Pandev, pomeriggio niro.

Jà, nunn’è detta l’urdema parola:
ce po’ scappà nu lampo, na scintilla…
Marekià, si’ na stella ca nun brilla:
si te stute, stu ciuccio comme vola?

Mazzarri, a bordo campo, sura e smania:
ma po’ l’arbitro sisca, ed è pareggio.
Certi vote c’è ghiuta pure peggio:
comunque nun se vence, cà a Catania…

‘A delusione, è loggico, è prufonna.
Guagliò: si nun se tira quase in porta,
‘a speranza ‘e scudetto nunn’è morta,
però putimmo dì ch’è moribonna?

Valid XHTML 1.0 Transitional Valid CSS!