ROMA-NAPOLI 2-2
28-04-12 - categoria Poesie in napoletano 2011-2012Nu’ posto, quatto squadre: n’mmucchiata.
L’Inter, ca ce pareva ‘a chiù ‘nguaiata:
‘a Lazio, che ‘a doje mise: da na vita
nun pareggia in trasferta na partita;
l’Udinese, c’arranca, ma nun molla;
e zittu zitto, miez’a tanta folla
stu Napule sparuto e vilipeso,
c’ultimamente pare un po’ ripreso.
Tra chesti quatto, ancora dei confronti.
Si ce vulimmo fa nu poc’e conti
(no Conti: chillu là sta tropp’in alto,
‘o facette, c’a Juve, ‘o granne salto)
esce ca stammo megglio nuje, ca ll’ate.
Tre avummarie, diciotto groliapate…
Ma comme: doppo tanta punte perze
ancora se putesse arrivà terze??
Succeresse accussì, sarrìa nu spasso.
Però stu calcio è livellato in basso:
si levammo d’o mazzo ‘e primme doje,
ognun’e ll’ate tene ‘e guaje suoje.
Aspettammo, e vedimmo comme và…
Ma n’ata cosa se putesse fà
(‘o fanno negli eventi culturali
premie ‘e poesia, concorsi musicali…):
quanno nisciuno l’ave ammeretato,
uno d’e premie nun vene assignato.
Ce pare proprio chesta, ‘a situazzione:
‘a Coppa c’è, ma mancan’e Campione!