‘O calcio già sta cumbinate buone.
Scummesse, mbruoglie, illecite e pastette,
e adesso, all’intrasatta, ce se mette
‘a morte ncopp’o campo ‘e nu guaglione:

Morosini. Stu shock l’ammo accusato.
Se ferma ‘o campiunato (è cosa rara),
e a Lecce nun se va: ven’o Novara.
Napule, né, te fosse arripigliato?

‘O primmo gol ‘o va a signà Cavani,
sfruttando nu svarione d’o purtiere.
N’errore strano, proprio strano overe:
na cattiveria? Be’, ma simme umani…

‘O Napule di gioco nunn’è privo:
so’ nu poco chiù svelte, le sue trame.
A là ce stà  ‘a chiù brutta d’o reame,
ma almeno sta scetato: pare vivo.

Recuperammo punte, a sera a sera:
‘a Lazio, l’Udinese, e pure ‘a Roma,
ca contr’a chesta Juve è ghiuta in coma,
ma ‘o terzo posto è sempe na chimera.
Miercurì po’ succere ca va peggio:
c’aspettano ‘e leccese, al Via del Mare.
Bello, si se putesse ritornare
ch’ e tre punte: o si no, cu nu pareggio!

Valid XHTML 1.0 Transitional Valid CSS!