Sempe speranno can nun c’entra niente
‘a centrale d’o mbruoglio ‘e Singapore,
sta jurnata fuje propio sconvolgente,
controindicata p’e malat’e core.

Lazio e Udinese vanno sotto ancora.
‘A Lazio, s’era visto c’arrancava:
l’Udinese cu l’Inter va in malora.
Ma chello ca nisciuno se penzava

è ‘a vittoria d’o Napule in Salento.
Fa cauro, int’a terra d’o barocco,
ma aret’a nuje mo votta n’atu viento:
nu viento frisco, ca nunn’è scirocco.

‘E cose so’ cagnate; so’ diverse.
Stu Lecce, ca fujeva comm’a un treno,
è asciuto d’e binarie. Chiagne Serse,
ma nuje c’o simme ammeretate in pieno

chistu successo: nunn’è stato un pacco.
‘O primmo gol è nato da uno schema:
‘e contro balzo, insacca lo slovacco,
d’o juoco nuosto fulcro, e teorema!

Valid XHTML 1.0 Transitional Valid CSS!