Mo’ ca c’avanza poco chiù ‘e nu mese
p’a conclusione ‘e chistu campiunato,
già v’o sapimmo dì, ca l’Udinese
se piglia ‘o terzo posto. Un risultato

ca certo nun s’ammereta sta Lazio
ca nunn’a fatto niente di speciale,
ma nemmeno stu Napule: nu strazio.
Ormai stammo in caduta verticale.

Né, De Sanctis, e chesta e che manera!
Ere na sicurezza, dint’a vita:
mò sì ‘a caricatura ‘e nu purtiere,
difettoso all’entrata, ed all’uscita.

E Cavani e Lavezzi: là davanti
v’o putimmo giurà: nun se so’ visti.
Mò so’ tre mise ca so’ latitanti,
comme fosseno ‘e peggio cammuristi.

Fa pena chesta squadra: nunn’incanta
comme faceva a inizio di staggione.
E miercurì c’aspetta l’Atalanta:
Denis, t’a faje scappà chest’occasione?