Quanno, a Torino, Maggio s’è fermato,
so’ turnate ‘e fantasme londinese:
e quas’o stesso è stato il risultato.
(Quatto no: però tre, l’avimme prese…)

‘A forza nosta sta dint’a difesa (??),
ma hanno tradito ancora ‘e tre tenore.
Ca jucasseno buono, è na pretesa?
D’a manovra so state sempe fore:

Hamsik nu mantene (e nun prumette),
Cavani nun fa niente, e ‘o Pocho, poco.
Ncopp’o campo parite ‘e tre scimmiette:
i’ nun veco, i’ nun sento, e ‘i nun gioco.

‘A squadra, senz’e vuje, resta in mutande:
in porta, nunn’avite maje tirato.
L’unico  a fà quaccosa è stato Pandev,
con quel fisico ‘a scapoli-ammogliati.

Pe’ furtuna l’Europa già è sicura….
Tifoso, nunn‘importa se protesti:
è ‘o mumento ‘e ce mettere appaura,
forse nunn’arrivammo manco sesti!