Furtuna  nun ce sta chi nun ne tene,
pecchè ognuno s’a fà cu chesti mane.
Propio chello c’a fatto oggi Dossena,
ca cu na mano anticipa a Biabiane.

A Parma è stata na partita strana:
‘e padrone di casa, intraprendente,
ce steveno facenno a parmigiana:
ma alla fine n’ascettemo vincente.

Fuje bruttarella, ‘a nosta prestazione.
Spisso schiacciate in area di rigore
c’è ghiuta bona in ogne situazzione;
poca capa (però c’è stato ‘o core).

‘E quattordece, a Londra, ‘a capitale
‘e l’Inghilterra, né: chiù cuncentrate,
sinò è sicuro ca fernesce male.
Ma ce va bona: simme furtunate…