S’accummencia attaccanno all’arma bianca,
se fernesce accussì: ncopp’e denocchie.
‘A squadra, se sapeva, sta assaje stanca,
‘o calcio l’esce mò pe dint’all’uocchie.

Cavani (‘i che giocata!) finge ‘o tacco,
ma ‘o gol s’o fa signà dall’avversario.
Quanno sta isso, al centro dell’attacco,
cu tutte ll’ate c’è nu stra-divario.

Faceva effetto, int’a ripresa, ‘a scena:
nuje, doppo sta platea internazionale,
schiacciate in area ‘a nu modesto Siena.
(Quanno staje stanco, capita: è normale…)

“Che ce ne ‘mporta mò d’o campiunato?
L’Europa c’è, comunque va a fernì”,
dice qualcuno. E no! Stu risultato
nun c’abbasta: vulimmo ‘a Ciampioslì!