Sta cosa, amice belle, adda fernì.
Catania, Chelsea, Cagliari: tre “C”,
ca c’anno fatto sette gol ‘e capa.
Napule, overamente sì na rapa:

ma quann’e testa nunn’a piglie maje,
in Champions, comme canchero ce vaje?
Chello ch’e cumbinato, nunn’o saccio.
T’e magnato doje rete di vantaggio:

pe chiù ‘e mezora tu si stata terza…
e doppo, ’a croce, ma c’a mana a smerza:
doje corner, uno ’a cà, e n’ato ‘a là,
‘e ‘a frittata  sta pronta pe magnà.

Vinte minute scarse, e d’a priezza
a capasotto abbascio, int’a munnezza,
pe fà felice ‘e rosse di Montella.
Partita combattuta, a vote bella,

ca ce lassa l’amaro dint’a vocca.
Ma ce l’amma scurdà: sotto a chi tocca…
Aurè, mò s’adda fa nu poc’e spesa:
l’anno ca vene, accattace ‘a difesa!