Meglio ca c’o dicimmo chiaro chiaro:
cu Aronica, Dossena e Campagnaro (!)
‘a palla ‘e capa  nun se piglia maje.
E allora ‘e quarte, né, comme ce vaje?

Nun se puteva fà, cu stu reparto:
ogne cross, s’è rischiato un miez’infarto.
Gargano, comm’a sempe, corsa e core:
ma nunn’hanno cantato, ‘e tre tenore.

Inler  sulo, chiù bravo delle attese.
Ce fotte l’atu svizzero, ‘o cinese:
tutt’e viecchie campione, Di Matteo
se l’a purtate fore d’o museo,

ed alla fine è stato ripagato.
Nun se po’ dì ch’è ingiusto, ‘o risultato.
A casa nosta s’è alluccato “Ex-Chelsea!”:
è overo: a Londra, sono stati eccelsi,

‘e blues. Pe chest’i mò tengo paura:
‘e parole t’a danno, ‘a fregatura….