NOVARA-NAPOLI 1-1
11-12-11 - categoria Poesie in napoletano 2011-2012Sta carico, ‘o ribotto, ma nu spara.
V’aspettaveve un Napoli vincente
al Silvio Piola, ‘o campo d’o Novara?
Se, se: tre punte, un punto sulamente.
Nu poc’e Pocho, niente scorri/pandev:
‘e voglia a dì ca mò segna Cavani!
Segnano loro, e ‘o Napule è in mutande;
nuje chiagnimmo, c’a capa miez’e mani.
‘A tragedia ce coglie, ma de striscio:
quanno già ce vedimmo dint’o sacco,
Marek arriva, e tutto fila…liscio.
È overo: pare ceco, ma è slovacco!
