Dopp’o miez’insuccesso colla Lazio
pe n’at’errore nun ce sta chiù spazio.
St’inglese l’aspettammo da na vita:
ma si sbagliammo pure sta partita?
Dispettose, ‘e parole: ca “trionfo”
è  l’anagramma esatto de “ri-tonfo”.
Ma propio nu  trionfo, ce sarrà!
Pe’ te, Mancini, nun ce sta pietà:
sì n’antipaticone, chien’e spocchia,
e ‘o Napule, ispirato e figlientrocchia
mann’in porta doje vote il suo Cavani:
e ‘o pareggio te scappa ‘a miez’e mani.
‘A Champions, mò t’a vide int’a tivvù:
Napule, vola, nun te fermà chiù!