S’è ripusato assaje, però sta stanco:
chesto ce pare, ‘o Napule d’aiere.
‘O fantasma d’o City, comm’a Banquo,
vola p’o campo, e stritola ‘e penziere.

‘O primmo tiempo, è meglio ‘e ciò scurdà.
‘O guverno d’e tecnici se porta,
e  Reja’o sape buono c’adda fà
pe’ disturbà a Mazzarri: squadra corta

ma pronta pe’ scattare in contropiede.
‘O pubblico è perplesso, sta in attesa.
‘A verità, quaccos’e chiù se vede
quanno se torna in campo p’a ripresa:

ma loro in porta teneno a Marchetti,
(pareva muorto, po’ è resuscetato),
ca cu’ tre zump elastici,  perfetti,
salva ‘a Lazio, a Lotito, e ‘o risultato.

Napule troppo muscio, senza smalto.
Addò sta ‘a famma, chella bella lopa?
Martedì sera, l’amma fa stu salto:
ma addò? Siconno turno, o Coppa Europa?

Valid XHTML 1.0 Transitional Valid CSS!