Nun simme state belle, e manco brutti:
nunn’è male, al finale, stu pareggio,
però ‘e tre punte l’anno fatte tutti.
Ce puteva andà meglio (e pure peggio),

ma cu nu pucurillo ‘e faccia tosta
‘a purtavam’a casa, sta vittoria,
e invece c’a spartettemo, la posta,
Niente “se” e niente “ma”: è una, ‘a storia.

Cavani pare l’ombra rassignata
d’o matador ca ce regnette l’uocchie;
‘a porta nun sa chiù addò sta situata,
se vò tirà, le tremman’ e denocchie.

L’azzurre chiù preggiate stanno stanche:
a vederle accussì, te passa ‘o sfizio.
Ch’erè, tenite già ‘e capille janche?
Che canchero, guagliò, stamme all’inizio!