Nun ce piace, nu Napule accussì.
E’ comme ‘o motto d’e carabiniere:
“semper Fideleff”. Siente stu penziere:
Mazzà, nun l’eva fa propio trasì.

Inler è muscio, troppo cumpassato:
Hamsik sta stunato, se cunfonne,
e invece ‘e se fa annanze, s’annasconne.
E Cavani che fa, accussì arretrato?

Cerci (anagramma: Circe) fa magie:
‘e nuje, sultanto Morgan, ‘o pirata
(e chi s’a scorda chiù, chella parata?)
E adesso nun cuntammoce bucìe:

ca c’hanno tolto un calcio di rigore,
ca l’avimme schiacciate, int’a ripresa…
E’ meglio a ce sta zitte, nell’attesa
‘e ritrovà doje cose: ‘o gioco, e ‘o core!