‘O stadio è un colpo d’occhio straordinario:
già sarebbe segnato, ‘ o risultato
(tra chesti squadre c’è nu stra/divario:
è Cavani, ma sta squalificato),

però nuje c’aspettammo, sta serata
siccome a tutt’e doje c’abbasta ‘o pari,
ca sarrà na partita pezzottata.
E invece no: sarranno c…. amari,

pecchè l’Inter (che canchero!) ce prova
cu’ fraseggi veloci a centrocampo,
e doppo un quarto d’ora, ‘o gol ‘o trova
con Eto’o: pe’ De Sanctis nun c’è scampo.

‘O stadio se fa muto. “E’ qui, la festa:
l’obbiettive d’e squadre so’ raggiunte.
Ma chisti ccà, che se so’ mise in testa?
E mò cumm’a mettimmo, senza punte?”

State calme, guagliù. Niente paura:
ca si attaccammo a testa (e a palla) bassa,
l’Inter là dietro, nun fa gran figura.
E jucanno accussì, ‘o Napule passa.

Doppo, ‘e doje squadre tornarranno in sé:
però per i portieri, so’ dulore.
Ognuno ‘e loro adda sgobbà pe’ tre,
ncopp’e passagge dei suoi difensore…

L’arbitro fischia ‘a fine (se Dio vuole).
E che succere! Pe’ chi nun c’è stato
nunn’o sapimmo dicere a parole.
‘E note d’o surdato ‘nnammurato

regnono l’aria de felicità.
‘A partita è fernuta ‘a chiù ‘e mezora,
ma d’o campo nisciuno se ne va.
Continuammo a cantare: e ancora, e ancora…

Qualcuno, aizanno l’uocchie vers’ e stelle
va dicenno c’a visto a San Gennaro
ca vulava, in maglietta e cazuncielle…
(ma ca s’è mette, è noto, è molto raro).

Doppo st’ore bellissime, affatate,
na preghiera: Mazzarri, Presidente,
l’avite fatte vuje: nun c’o scassate
‘o giocattolo: o nun ve ‘mporta niente?