Nu  match banale, d’interesse privo.
Einstein dicette: “tutto è relativo”,
e nun cuntava niente, sta partita,
forse p’a  primma vota dint’a vita.

At’incontri c’attendono, chiù seri:
‘a Juve adda penzà al dopo-Delneri,
e stu Napule invece che farrà?
Nun se sape: pe mò s’add’aspettà.

Tra poche juorne (ampresso; a fine maggio)
fernesce certamente ‘o ballottaggio
tra chi dice “Mazzarri restarrà”
e chi invece è sicuro: “se ne va”.

Nuje restammo tranquilli ad aspettare.
Tra il dire e il fare c’è di mezzo amare:
pirciò, Mazzarri, si nun c’ame chiù,
sai che c’è?, vavattenne addò vuò tu.

E’accussì che la penza tanta gente.
Però tra loro manca ‘o Presidente,
che tenenno, se sape, ‘a capa tosta
Mazzarri, te darrà n’ata risposta:

“Non te vuò stà cu nuje, nun te cunviene?
Vedrai che a stare fermo se sta bene!
Te ne tuorne  a Livorno, e t’arrepose.
Doppo chest’anne tanto faticose

chiene di riflettori e di tivvù,
nisciuno ca te vene a scuccià chiù…”
Ncopp’a partita, che tenimm’a dì?
Napoli 2, c’e fatto addivertì:

‘e regalato dei momenti belli
perfino a isso: a nonno Lucarelli…
Ci ha colpito la classe di Maiello;
overo l’amma fà tant’e cappiello.

Ma è venuto ‘o mumento ‘e fa doje cunte.
Se so’ raccolte  ben sittanta punte;
sittanta mi dà tanto, nun c’è male…
Azzurre, site state eccezziunale!