‘E vulimmo jettà dint’a munnezza
tanta mise de sfuorze e sacrifice?
Penzo ca no. Pe’ chesto, care amice,
stu pallone buttatelo int’a rezza!

E’ chiammato all’attacco d’o pienone,
però ‘o Napule resta sulle sue:
ncopp’a stu campo, d’o duemilaedue
nuje nun vencimmo (bella tradizzione…)

‘O primmo tiempo, addò è fernuto ‘o gioco?
‘E l’acqua sta scennenno ‘o patapate:
‘a squadra tene ‘e polvere bagnate,
pirciò cumbina overamente poco.

Dint’a ripresa (‘o solito…) ‘a fiammata
(penzastev ’e doje rete di Pazzini?),
e per i rossoblu di Ballardini
‘a partita se fa chiù cumplicata.

Cavani, nient’e che (pure Lavezzi),
ma so’ grande ‘e giocate di Dossena,
ca ncopp’a fascia sembra molto in vena.
Forza, guagliò, ca ce n’avimm’e mezzi!

Fa Preziosi: “Resisto: non desisto:
nunn’o conquisterete, stu fortino”.
Ma quann’o pari pare ormai vicino
va in rete lo slovacco (e ben s’è visto).

Genoa, sì battuto: fatt’a là.
Sdrucciolo, pure tu, l’ottavo nano,
fai parte ‘e nu passato ormai luntano.
Champions, te saluta sta città!

[youtube]http://www.youtube.com/watch?v=iF9n4lfyAmU[/youtube]