‘O tacco d’Ezequiel: Viviano para.
Sulo allora capimmo ca “Dall’Ara”
fa na rima bellissima: Mascara!

Viv’o Bologna, sì: viva Viviano,
ca piglianno ‘o pallone cu na mano
‘o passa al Topo Gigio siciliano!

Simme arrivate ccà in quinnecemila:
si ce stennimme ‘nterra, tutti in fila
da Bologna arrivamme fin’a Sila.

Ce sta Aurelio, e vicino ce sta Gianni:
nun ce pare ca tene sissant’anni.
Se parte, e già nu stamme dint’e panni.

L’azzurre, ca stavota songh’e bianche,
attaccan’e rivale, e nun so’ stanche
e ce chiavà cazzotte dint’e cianche.

Pigliat’o gol, la squadra di Felsina
è nu zombi: nu muorto ca cammina,
è nu giù-box ca l’hanno tolto ‘a spina.

‘O tiempo sta fernenno: ecco ‘o rigore!
(Ripigliate, Bologna, pe’ favore
c’a Morandi le vene ‘o mal’e core…)

Ce provano a ghì annanze, ‘e rossoblu,
però se vere: nun c’a fanno chiù.
Di Vaio, ca ‘o pallone ce dà ‘o tu

oggi pare nu poco scoglionato,
e pirciò nunn’o cagna, ‘o risultato.
Napule, quanta gol te sì magnato,

quanti vvote ‘e sbagliato sotto ‘a porta!
(chi dice  no, ten’a memoria corta).
Comunque  ammo vinciuto: chesto, importa.

Esultano ‘ e tribune, tutt’in fiore:
Dall’Ara in festa, un popolo in amore.
Simme primme (sultanto pe’ quatt’ore?…)

[youtube]http://www.youtube.com/watch?v=_4FL5nci7uU[/youtube]