PARMA-NAPOLI 1-3
13-03-11 - categoria Poesie in napoletano 2010-2011Schiattamuorte e profeti di sventura,
vuje ca già ce davate pe’ finiti,
comm’a mettite mò? State serviti,
stu Napule ripiglia a fà paura!
All’inizio parimmo addurmentate.
‘O Parma se fa sotto (poverino…),
e fa nu bellu gol cu Palladino.
Scetate ciuccio, oppure so’ mazzate!
E cu Lavezzi arrivano ‘e turmiente:
fa signà a Marekiaro (in fuorigioco…)
Ma stu pareggio è breve, dura poco,
pecchè ‘o Pocho va in gol personalmente.
Doppo sti’ doje papagne ‘nfaccia’o musso
è ‘a guerra. La tensione se fa troppa;
a gamba tesa vo’ trasì Galloppa,
ma nun galoppa chiù: se piglia ‘o russo.
Ce dispiace pe’ vuje, cari parmensi:
‘a tiempo senza Scala, e senza Pioli,
pe’ sagliere, arrangiatevi da soli.
Intanto, grazie azzurri: siete immensi!
[youtube]http://www.youtube.com/watch?v=uMF_GVpMXY0[/youtube]
Tags: napule, o napule, video gol napoli